Ny CIRAD eto Madagasikara
traduction françaiseVolavolan-kevitra hojerena
Madagasikara, nosy iray eto anivon'ny Oseana Indiana ary tetezin'ny Tropikan'ny Capricorne, dia lapan'ny zavaboajanahary samihafa ho an'ny mpikaroka. Ponina maro karazana, toetrandro manokana ary karazam-bala tokana eto an-tany no mifamaofao ao aminy, ary izany dia mivalapatra eo amin'ny tany mirefy 600 000 kilometatra tora-droa. Eo ny toetrandro antonontoniny, na koa maina kina toy ny any Sahely ao Afrika. Izany rehetra izany dia mivelatra amin'ny tany lemaka samihafa sy tendrombohitra mirefy hatramin'ny 2886 metatra ny ahavony.
Ny fianakaviamben'ny mpikaroka malagasy sy ny CIRAD dia manana tantara iombonana naharitra hefa ho maherin'ny dimam-polo taona lasa izay. Noho izany tantara iombonana naharitra izany dia nanampankevitra ry zareo fa hampiaram-peo tsy hitokamonina intsony fa hiara-miasa eo amin'ny lafiny fikarohana. Ny rafitra hiasana dia eo anivon'ireto sehatr'asa manaraka ireto :" Fikarohana iombonana" (URP), Ala sy karazam-boajanahary (Forêts et Biodiversité) (FB) sy Rafitra sy fomba fambolem-bary maharitra (Systèmes de culture et rizicultures durables) (SCRID), eo koa ny sehatr'asa iombonan'ny oniversite, antsoina hoe(Corus)sy DURAS, misy ny sehatr'asa eropeanina INCO, ary farany dia misy volavolan'asa ho an'ny fampandrosoana miisa telo sy volavolan'asa ho an'ny rafitra nasionaly miisa efatra (Zotra fanondranana entana any ivelany, fananantany, fahasalaman'ny biby ary ady amin'ny valala). Izany rehetra izany dia porofon'ny fiaraha-mikaroka matotra misy eo amin'ny CIRAD sy ny mpiara-miasa aminy eto amin'ity nosy ity.
Rafitra siantifika
Ny CIRAD eto Madagasikara dia rantsam-piasana iray misahana mivantana ny eny antsaha, izay fomba iray hita fa mahomby sy mifandraika marina amin'ny zava-misy :
- Ny mpikaroky ny CIRAD dia mipetraka sy monina eto Madagasikara, izany no natao dia mba hifampikasoana isan'andro isan'andro amin'ny asa, ary hifampizarana ny olana misy sy ny fahombiazana miaraka amin'ny mpiara-miantoka.
- Ny asa rehetra natao teto dia niarahana namolavola, hany ka fiaraha-miasa frantsay-malagasy foana no nisy, satria teto Madagasikara koa no natao ny fiakaonandoa nazahoan'ny tsirairay tombontsoa
- Ny mpikaroka tsirairain'ny CIRAD dia eo ambany fiadidian'ny Departemanta iray, ary koa ao anatin'ny vondrom-pikarohana iray, izay mazàna miasa eran'izao tontolo izao ary azo antsoina koa raha ilaina
- Ny vondrom-pikarohana rehetra eto an-toerana dia mandray isan-taona irak'asa fanohanana avy amin'ny manampahaizana manokana, izay fohy na lava faharetana, izany no natao dia mba hampifamenona ny fahaiza-miasa
- Raha ilaina ny mampiasa fitaovana avo lenta eo ampanatanterahana ny asam-pikarohana atao dia mandeha any Centre de Montpellier (Frantsa) ny mpikaroka satria any mazàna no misy ny fitaovana, na koa mandeha any amin'ny iray amin'ireo firenena 50 izay iasan'ny CIRAD amin'izao fotoana izao.
- Ny mpikaroky ao amin'ny CIRAD sy ireo miaramiasa aminy dia manana fahazahoan-dalana hiditra ao amin'ny servisy Fampiratiana boky mirakitra asa na famelabelarana izay misahana ny fahaiza-manao izay isan'ny tsara indrindra eto an-tany
Ny fitaovam-piarahamiasa
Vondron\'ny manampahaizana mpikaroka sy Fikarohana Iombonana
Ny Vondron'ny manampahaizana mpikaroka miara miasa (PCP) dia vondrona mpikaroka sy fitaovana avy any ivelany, mipetraka ao amin'ny toerana ara-tsaritany iray. Miasa amin'ny volavolan-kevitra iombonana izy, izay mamaly ny olana aram-pandrosoana sy ny tanjona ara-tsiantifika avo lenta (Jereo :Tanjona sy fepetra fampandehanana ny PCP/URP ►)
Eo amin'ny lafiny fampandehanan'asa, ny PCP/URP dia manana toetran'asa efatra :
- Tanjona (Drafitr'asa siantifika, drafitr'asa fiofanana ary drafitr'asa fanohanana ny fampandrosoana), iaraha-mandinika amin'ny mpiara-antoka
- Vondrona mpikaroka iraisam-pirenena manana traikefa fanta-daza
- Drafitr'asa fandaharana-fanarahamaso-fitsarana matanjaka sy mangarahara
- Fanamafisana sy fanampariahana miaraka ny vokatra azo
Ny orin'asa mpikambana tsirairay dia mitondra ny olony sy ny fitaovany arak'izay ananany sy araky ny lanja homeny ny drafitr'asa iaraha-miasa. Ny tsirairay dia manana ny maha izy azy eo amin'ny fiaraha-miasa, na eo amin'ny fandaharan'asa, na eo amin'ny fanarahamaso sy fitsarana ny asa. Ny antsoavo fanolon'asa dia hatao miaraka ary ny vokatra dia iombonana. Farany, ny fandaharan'asa miaraka dia lavi-trezaka.
Mba hamoronana ny PCP, ny tompon'andraikitra tsirairay avy, na malagasy na frantsay, ny tobim-pikarohana aram-pambolena : FOFIFA sy CIRAD, ary ny Oniversiten'Antananarivo, dia nanao sonia fifaneken'asa tamin'ny febroary taona 2002. Hatramin'ny ny volana desambra 2002 dia namafisina an-taratasy ny tanjona iombonana, ny fepetra fototra ary ny fomba fiasan'ny PCP. Hatramin'io dia nisy oron'asa hafa nanatevin-daharana ny PCP izay lasa filamatra.
Ankehitriny dia tonga amin'ny fahamatorany ny PCP ary nanamafy ny fiaraha-miasa ho tonga Vondrom-pikarohana iombonana (URP) izay mitarika fitsarana sy fankatoavana ny hatsaran'ny asa avy amin'ny manampahefana siantifika frantsay sy malagasy.
Ny drafitr\'asa siantifika
Ny drafitr'asa Corus
Ny fiantsoana tolotr'asa nataon'ny Minisiteran'ny Raharaham-Bahiny Frantsay izay mifantoka amin'ny “Fiaraha-miasa aram-pikarohana oniversitera sy siantifika” dia manana tanjona ampihetsika ny oniversite atsimo sy avaratra mba hiara-miasa amin'ny drafitr'asa siantifika hiraisana. Ny Cirad sy ny mpiara-miasa aminy dia namaly izany ary isan'izany ny PCP « Ala sy karazam-boajanahary », izay mamaly indrindra ny filan'ny firenena. Mampiseho izany fa ilaina ny drafitra PCP/URP eo amin'ny hetsika miaraka ara-tsiantifika sy rindra.
Ny drafitr\'asa DURAS
DURAS dia drafitr'asa iray maharitra telo taona izay vatsian'ny Minisiteran'ny Raharaham-Bahiny Frantsay vola. Ny tanjony dia ny hampitombo ny fahaizamanao ara-tsiantifika ary koa hampirisika ny firenena tatsimo, toy ny Afrika, Asia sy « Proche Orient » eo amin'ny fikarohana aram-pambolena ho an'ny fampandrosoana maharitra. Ny volavolan'asa ho an'ny fiantsoana tolotr'asa voalohany, noferana tamin'ny volana oktobra lasa teo ny tolotra, dia misahana ny (a) sivana varietaly mifandraika amin'ny ady atao amin'ny fahantrana sy fizakantena ara-tsakafo ; sy (b) fijerena sy fandraisana ny fahaiza-manaon'ny mponina eo amin'ny fitandroana ny tontolo iainana. Ny URP SCRID, miara-miasa amin'ny VASI – Vietnam dia notsongaina manokana noho ny tolotr'asa mitondra ny lohan-teny hoe : « Fanantsarana varietaly ampian'ny porofon-tsela ary sivana varietaly hiarahamanao ho an'ny vary an-tanety volena amin'ny toerana ambony mba hiadiana amin'ny tsy fahampin-tsakafo "
Projets INCO
Nekena ny tolotr'asa nataoan'ny Cirad (URP Ala sy karaza-boajanahary) sy mpiara-miasa aminy (indrindra i Madagasikara, Kenya ary Ouganda), izay natolotra ny eropeanina momba ny « Politika firaha-miasa iraisam-pirenena ara-tsiantifika » (INCO) voafaritra ao amin'ny drafim-pikarohana ara-teknika ho an'ny fampandrosoana (PCRDT) laharana faha enina. Izany dia momba ny fanaovana fikarohana eo amin'ny fanomezan'aina indray ny ala izay tena simba tokoa aty afrika atsinanana sy aty amin'ny nosy rehetra eto amin'ny Oseana Indianina. Simba ny ala noho ny tavy sy ny fitrandrahana mahery vaika atoan'ny mponina, izay mitarika fahasimban'ny nofon-tany. Ny tanjona izany dia ny hitondrana drafitr'asa anakanana ireo vokadratsy ireo, amin'ny alalan'ny fitondrana tetik'asa fanajariana ny ala vaovao sy maharitra.
Ny drafitr\'asa fampandrosoana
Volavolan'asam-mpikarohana lehibe roa no notsongaina noho ny fangatahan'ny Minisiteran'ny Fambolena, Fiompiana ary Jono (MEAP) avy amin'ny fanomezam-bolan'asa miaraka nataon'ny governemanta malagasy, ny Famantsiambola frantsay ho an'ny tontolo iainana eran-tany (FFEM) ary ny Foibe Frantsay ho an'ny Fampandroasoana (AFD) :
- Ny voalohany dia mipaka amin'ny fahazahoana teknika fototra momba ny voly rakotra maharitra eto Madagasikara, ary ny fanampariahana izany.
- Ny faharoa dia misahana ny asa fanajariana sy fiarovana ny tany ao « Lac Alaotra » izay manome lanja ny lafiny ekonomika, sosialy, ny fahaizamandamin'ny tantsaha, ny fananantany, ny fiompiana, ny findramam-bola madinika, ny tondraka rano, ets.
Farany, ny Minisiteran'ny Tontolo Iainana ary ny Rano sy Ala (MEEF) dia nanome ho an'ny Cirad ny fitondrana ny drafitr'asa mitondra ny lohan-teny hoe : “Fametrahana drafitr'asa filamatra ho an'ny fiarovana sy fampitomboana ny karazan-javaboary eto Madagasikara » izay vatsian'ny frantsay vola avy amin'ny alalan'ny FFEM. Io drafitr'asa io dia miompana amin'ny fahazahoana teknika fanajariana ny karazan-javaboary, ary koa manolotra ohatra teknika eo amin'ny fitantanana izany, izay miankina amin'ny fampiasana misaina ny vokatra natoraly azo havaozina ataon'ny mponina eny ambanivohitra. Ny URP Ala sy karaza-boajanahary dia mitantana io drafitr'asa io amin'ny anaran'ny Cirad.
Ny Cirad dia mampiseho etoana ny fahaiza-manaony amin'ny karoka avo lenta hiarahana izay mipaka amin'ny zava-misy andavan'andro ny firenena iray sy ny fandrosoany
Fanampiana ny rafitra nationaly
Ny drafitr'asa fanampiana ny rafitra nationaly, izay ataon'ny Minisiteran'ny Raharaham-bahiny Frantsay n any Fikambanana Eropeanina, dia miantso ny manampahaizanan'ny Cirad mba hanohana : ny zotram-barotra fanondranana any ivelany, ny Drafitra fananantany nationaly, ny rafitra fitilina ny aretim-biby mety mianaka, ny Foibe Nationaly ho an'ny Ady amin'ny Valala (CNA). Amin'izany rehetra izany, ny mpiasan'ny «Service de coopération et d'action culturelle » (SCAC) ao amin'ny Ambasady Frantsay dia miara miasa tanteraka ao anatin'ny rafitra malagasy ho an'ny fampandrosoana ny fahaiza-manao eto an-toerana.
Ny drafitr\'asa Interreg III
Interreg III dia drafitr'asa niainga avy amin'ny Volavolan'asa eropeanina ho an'ny fampandrosoana rezionaly (FEDER) mba ho fiaraha-miasa rezionaly eo anivon'ny fikambanana eoropeanina, izany dia misahan ny taona 2000 hatramin'ny taona 2006. « Ny tanjon'io dingana vaovaon'ny INTERREG io dia ny hanamafisana ny firaisan-kinan'ny Fikambanambe Eropeanina, izay manome vahana ny fiaraha-miasa any ivelan'ny taniny sy ny firenen'ny mpikambana. Nomena jery manokana ireo firenena manakaiky ny fikambanana ary maniry ny ho mpikambana ao anatin'ny Fikambanambe. ."
Ny « Conseil régional de la Réunion » dia nitondra ny anjara birikiny amin'ny fametrahana drafitr'asa miompana amin'ny Fananantany azo antoka sy fanajariana ny tany : ho fanampiana ny Drafitra fananan-tany nationaly, miainga avy amin'ny famoronana gisé miasa amin'ny fananantany any Miadanandriana, ao atsinanan'Antananarivo.
fanatanterahana ny fiarahamiasa
 |  | ||
| Cirad - Direction régionale | |||
| Cliquer ici pour contact rapide | |||
| Adresse : | Ampandrianomby - BP 853 Antananarivo - Madagascar | ||
| Téléphone : | +261 20 22 40 623 | ||
| Télécopie : | +261 20 22 40 821 | ||
| Courriel : | dregion@cirad.mg | ||
Centre de coopération internationale en recherche agronomique pour le développement
© 2009 Cirad | Tous droits réservés
| Informations légales